|
|
|
|
Het þa hyssa hwæne hors forlætan, feor afysan, and forð gangan, hicgan to handum and to hige godum. þæt se eorl nolde yrhðo geþolian, he let him þa of handon leofne fleogan hafoc wið þæs holtes, and to þære hilde stop; be þam man mihte oncnawan þæt se cniht nolde Eac him wolde Eadric his ealdre gelæstan, frean to gefeohte, ongan þa forð beran gar to guþe. He hæfde god geþanc þa hwile þe he mid handum healdan mihte þa he ætforan his frean feohtan sceolde. ða þær Byrhtnoð ongan beornas trymian, rad and rædde, rincum tæhte hu hi sceoldon standan and þone stede healdan, fæste mid folman, and ne forhtedon na. þa he hæfde þæt folc fægere getrymmed, he lihte þa mid leodon þær him leofost wæs, þær he his heorðwerod holdost wiste. wicinga ar, wordum mælde, se on beot abead brimliþendra ærænde to þam eorle, þær he on ofre stod: "Me sendon to þe sæmen snelle, beagas wið gebeorge; and eow betere is þæt ge þisne garræs mid gafole forgyldon, þon we swa hearde hilde dælon. Ne þurfe we us spillan, gif ge spedaþ to þam; Gyf þu þat gerædest, þe her ricost eart, þæt þu þine leoda lysan wille, syllan sæmannum on hyra sylfra dom feoh wið freode, and niman frið æt us, on flot feran, and eow friþes healdan." Byrhtnoð maþelode, bord hafenode, wand wacne æsc, wordum mælde, yrre and anræd ageaf him andsware: Hi willað eow to gafole garas syllan, ættrynne ord and ealde swurd, þa heregeatu þe eow æt hilde ne deah. Brimmanna boda, abeod eft ongean, þæt her stynt unforcuð eorl mid his werode, þe wile gealgean eþel þysne, æþelredes eard, ealdres mines, folc and foldan. Feallan sceolon þæt ge mid urum sceattum to scype gangon unbefohtene, nu ge þus feor hider on urne eard in becomon. Ne sceole ge swa softe sinc gegangan; grim guðplega, ær we gofol syllon." Het þa bord beran, beornas gangan, þæt hi on þam easteðe ealle stodon. Ne mihte þær for wætere werod to þam oðrum; lucon lagustreamas. To lang hit him þuhte, hwænne hi togædere garas beron. Hi þær Pantan stream mid prasse bestodon, Eastseaxena ord and se æschere. buton hwa þurh flanes flyht fyl gename. Se flod ut gewat; þa flotan stodon gearowe, wicinga fela, wiges georne. Het þa hæleða hleo healdan þa bricge cafne mid his cynne, þæt wæs Ceolan sunu, þe ðone forman man mid his francan ofsceat þe þær baldlicost on þa bricge stop. þær stodon mid Wulfstane wigan unforhte, þa noldon æt þam forda fleam gewyrcan, ac hi fæstlice wið ða fynd weredon, þa hwile þe hi wæpna wealdan moston. þa hi þæt ongeaton and georne gesawon ongunnon lytegian þa laðe gystas, bædon þæt hi upgang agan moston, ofer þone ford faran, feþan lædan. ða se eorl ongan for his ofermode Ongan ceallian þa ofer cald wæter Byrhtelmes bearn (beornas gehlyston): "Nu eow is gerymed, gað ricene to us, guman to guþe; god ana wat Wodon þa wælwulfas (for wætere ne murnon), wicinga werod, west ofer Pantan, ofer scir wæter scyldas wegon, lidmen to lande linde bæron. Byrhtnoð mid beornum; he mid bordum het wyrcan þone wihagan, and þæt werod healdan fæste wið feondum. þa wæs feohte neh, tir æt getohte. Wæs seo tid cumen þær wearð hream ahafen, hremmas wundon, earn æses georn; wæs on eorþan cyrm. Hi leton þa of folman feolhearde speru, gegrundene garas fleogan; Biter wæs se beaduræs, beornas feollon on gehwæðere hand, hyssas lagon. Wund wearð Wulfmær, wælræste geceas, Byrhtnoðes mæg; he mid billum wearð, þær wearð wicingum wiþerlean agyfen. Gehyrde ic þæt Eadweard anne sloge swiðe mid his swurde, swenges ne wyrnde, þæt him æt fotum feoll fæge cempa; þam burþene, þa he byre hæfde. Swa stemnetton stiðhicgende hysas æt hilde, hogodon georne hwa þær mid orde ærost mihte wigan mid wæpnum; wæl feol on eorðan. Stodon stædefæste; stihte hi Byrhtnoð, bæd þæt hyssa gehwylc hogode to wige þe on Denon wolde dom gefeohtan. bord to gebeorge, and wið þæs beornes stop. Eode swa anræd eorl to þam ceorle, ægþer hyra oðrum yfeles hogode. Sende ða se særinc suþerne gar, he sceaf þa mid ðam scylde, þæt se sceaft tobærst, and þæt spere sprengde, þæt hit sprang ongean. Gegremod wearð se guðrinc; he mid gare stang wlancne wicing, þe him þa wunde forgeaf. þurh ðæs hysses hals, hand wisode þæt he on þam færsceaðan feorh geræhte. ða he oþerne ofstlice sceat, þæt seo byrne tobærst; he wæs on breostum wund ætterne ord. Se eorl wæs þe bliþra, hloh þa, modi man, sæde metode þanc ðæs dægweorces þe him drihten forgeaf. Forlet þa drenga sum daroð of handa, þurh ðone æþelan æþelredes þegen. Him be healfe stod hyse unweaxen, cniht on gecampe, se full caflice bræd of þam beorne blodigne gar, forlet forheardne faran eft ongean; ord in gewod, þæt se on eorþan læg þe his þeoden ær þearle geræhte. Eode þa gesyrwed secg to þam eorle; reaf and hringas and gerenod swurd. þa Byrhtnoð bræd bill of sceðe, brad and bruneccg, and on þa byrnan sloh. To raþe hine gelette lidmanna sum, Feoll þa to foldan fealohilte swurd; ne mihte he gehealdan heardne mece, wæpnes wealdan. þa gyt þæt word gecwæð har hilderinc, hyssas bylde, ne mihte þa on fotum leng fæste gestandan. He to heofenum wlat: "Geþancie þe, ðeoda waldend, ealra þæra wynna þe ic on worulde gebad. þæt þu minum gaste godes geunne, þæt min sawul to ðe siðian mote on þin geweald, þeoden engla, mid friþe ferian. Ic eom frymdi to þe ða hine heowon hæðene scealcas and begen þa beornas þe him big stodon, ælfnoð and Wulmær begen lagon, ða onemn hyra frean feorh gesealdon. þær wearð Oddan bearn ærest on fleame, Godric fram guþe, and þone godan forlet þe him mænigne oft mear gesealde; he gehleop þone eoh þe ahte his hlaford, and his broðru mid him begen ærndon, Godwine and Godwig, guþe ne gymdon, ac wendon fram þam wige and þone wudu sohton, flugon on þæt fæsten and hyra feore burgon, gyf hi þa geearnunga ealle gemundon þe he him to duguþe gedon hæfde. Swa him Offa on dæg ær asæde on þam meþelstede, þa he gemot hæfde, þe eft æt þearfe þolian noldon. þa wearð afeallen þæs folces ealdor, æþelredes eorl; ealle gesawon heorðgeneatas þæt hyra heorra læg. unearge men efston georne; hi woldon þa ealle oðer twega, lif forlætan oððe leofne gewrecan. Swa hi bylde forð bearn ælfrices, ælfwine þa cwæð, he on ellen spræc: "Gemunan þa mæla þe we oft æt meodo spræcon, þonne we on bence beot ahofon, hæleð on healle, ymbe heard gewinn; Ic wylle mine æþelo eallum gecyþan, þæt ic wæs on Myrcon miccles cynnes; wæs min ealda fæder Ealhelm haten, wis ealdorman, woruldgesælig. þæt ic of ðisse fyrde feran wille, eard gesecan, nu min ealdor ligeð forheawen æt hilde. Me is þæt hearma mæst; he wæs ægðer min mæg and min hlaford." þæt he mid orde anne geræhte flotan on þam folce, þæt se on foldan læg forwegen mid his wæpne. Ongan þa winas manian, frynd and geferan, þæt hi forð eodon. "Hwæt þu, ælfwine, hafast ealle gemanode þegenas to þearfe, nu ure þeoden lið, eorl on eorðan. Us is eallum þearf þæt ure æghwylc oþerne bylde habban and healdan, heardne mece, gar and godswurd. Us Godric hæfð, earh Oddan bearn, ealle beswicene. Wende þæs formoni man, þa he on meare rad, forþan wearð her on felda folc totwæmed, scyldburh tobrocen. Abreoðe his angin, þæt he her swa manigne man aflymde!" Leofsunu gemælde and his linde ahof, "Ic þæt gehate, þæt ic heonon nelle fleon fotes trym, ac wille furðor gan, wrecan on gewinne minne winedrihten. Ne þurfon me embe Sturmere stedefæste hælæð þæt ic hlafordleas ham siðie, wende fram wige, ac me sceal wæpen niman, ord and iren." He ful yrre wod, feaht fæstlice, fleam he forhogode. unorne ceorl, ofer eall clypode, bæd þæt beorna gehwylc Byrhtnoð wræce: "Ne mæg na wandian se þe wrecan þenceð frean on folce, ne for feore murnan." ongunnon þa hiredmen heardlice feohtan, grame garberend, and god bædon þæt hi moston gewrecan hyra winedrihten and on hyra feondum fyl gewyrcan. he wæs on Norðhymbron heardes cynnes, Ecglafes bearn, him wæs æscferð nama. He ne wandode na æt þam wigplegan, ac he fysde forð flan genehe; æfre embe stunde he sealde sume wunde, þa hwile ðe he wæpna wealdan moste. þa gyt on orde stod Eadweard se langa, gearo and geornful, gylpwordum spræc ofer bæc bugan, þa his betera leg. He bræc þone bordweall and wið þa beornas feaht, oðþæt he his sincgyfan on þam sæmannum wurðlice wrec, ær he on wæle læge. fus and forðgeorn, feaht eornoste. Sibyrhtes broðor and swiðe mænig oþer clufon cellod bord, cene hi weredon; bærst bordes lærig, and seo byrne sang Offa þone sælidan, þæt he on eorðan feoll, and ðær Gaddes mæg grund gesohte. Raðe wearð æt hilde Offa forheawen; he hæfde ðeah geforþod þæt he his frean gehet, þæt hi sceoldon begen on burh ridan, hale to hame, oððe on here crincgan, on wælstowe wundum sweltan; he læg ðegenlice ðeodne gehende. guðe gegremode; gar oft þurhwod fæges feorhhus. Forð þa eode Wistan, þurstanes sunu, wið þas secgas feaht; he wæs on geþrange hyra þreora bana, þær wæs stið gemot; stodon fæste wigan on gewinne, wigend cruncon, wundum werige. Wæl feol on eorþan. Oswold and Eadwold ealle hwile, hyra winemagas wordon bædon þæt hi þær æt ðearfe þolian sceoldon, unwaclice wæpna neotan. Byrhtwold maþelode bord hafenode he ful baldlice beornas lærde: "Hige sceal þe heardra, heorte þe cenre, mod sceal þe mare, þe ure mægen lytlað. Her lið ure ealdor eall forheawen, se ðe nu fram þis wigplegan wendan þenceð. Ic eom frod feores; fram ic ne wille, ac ic me be healfe minum hlaforde, be swa leofan men, licgan þence." Godric to guþe. Oft he gar forlet, wælspere windan on þa wicingas, swa he on þam folce fyrmest eode, heow and hynde, oðþæt he on hilde gecranc.
|